आपल्या जानवली गावचे सुपुत्र राजेंद्र शंकर राणे हे महाराष्ट्र पोलीस दलात कार्यरत असून आज त्यांच्या सुप्त गुणांची एक नवीन ओळख मिळाली ती त्यांना मिळालेल्या पदकामुळे पोलिस दलात काम करत असताना अनेक समस्यांना तोंड देत आपले आवडीचे खेळ अथवा कला क्रीडा गुण जपणं तस जिकिरीचं असत.
कित्येक वेळा आवड असतानाही सराव करणं देखील वेळेच्या अभावा मुळे शक्य होत नाही परंतु राजेंद्र शंकर राणे यांनी ते शक्य केलं आणि त्याच फळ त्यांना मिळालं.
पोलिस कमिशनर श्री.रजनीश शेठ ह्यांच्याकडून राजेंद्र शंकर राणे जानवली (गावठणवाडी) यांना चंदीगड येथे अखिल भारतीय पोलीस बॅडमिंटन स्पर्धेत कांस्य पदक मिळाल्या बद्दल सत्कार करताना.
राजेंद्र राणे यांच्या या कामगिरी बद्दल त्यांना मनापासून धन्यवाद त्यांनी अशीच उत्तरोत्तर प्रगती करून आपले आपल्या कुलाचाराचे आणि अनायासे आपल्या जानवली गावाचे नाव मोठे करावे.
देव लिंगेश्वर पावणाई त्यांना असेच भरघोस यश प्राप्त करण्याचे बळ देवो हीच ईश्वरचरणी प्रार्थना. पुन्हा एकदा त्यांचे कौतुक करून त्यांना पुढील वाटचालीस खूप खूप शुभेच्छा!
